Friday, April 13, 2012

අවුරුදු කිණ්ඩිය.....

මේ නොනගතේ අස්සෙ අවුරුදුත් උදා වෙලා... කෑම පින වෙලාවත් ඕන් ඇරබිලා.. කනට තව වෙලා තියෙන හන්දා මං ඉතින් මැද අවුරුද්දෙම වැඩ අල්ලනවා.. :D නැකත් නෑ කියන්නෙ බ්ලොග් එකට හෙනයක්වත් ගැහයිද දන්නෙ නෑ.. :D වෙනසක් නෑ ඉතින් දැනටත්... කොව්වා කොහොම උන්ත් සුබ අලුත් අවුරුද්දක් වේවා කියලා යනට තමයි ආවේ... එහෙමවත් කිව්වෙ නැත්නම් මුස්පේන්තුයි නොවැ....සු දනට ඕන් සුබපතමුකො කාරිය.. ඉස්සෙල්ලෙ මේ වෙනකන් මට ආවු අලුත් අවුරුදු මෙව්වා ගැන පොඩි සමාලෝචනයක් කරලා ඉමුකො කාරිය.. :D

ඕන් ජංගමේට මැසේජ් අම්බානෙට ගලාගෙන එන අතරෙ කිපයක් කියෙව්වයි කියමුකො... එතකොට මට හිතුණේ පහු උණු අවුරුද්දෙ එහෙමත් නැත්නම් පරණ අවුරුද්දේ කීයෙන් කීදෙනෙක් එක තාත්තා කෙනෙක්ට ජාතක නොවුණු ඈයොද කියලා...

පෘතුගීසී ලංදෙසි ඉංග්‍රීසි ඔහොම ඔහොම ඈයො ලංකාවෙ ඒ දවස් වල හිටපු කාලෙ සිංහල ලේ අස්සට ඔය හුණු ඉංග්‍රීසි ලේත් මිශ්‍ර උණාලුනේ... මට දුක එහෙම මිශ්‍ර උණා එකට නෙවෙයි... අපිට අපි ඉපදුනාම අපේ අම්මා තාත්තා වෙනස් කරන්ට බැහැ නොවැ... ඒත් ඉතින් අවජාතකයි කියලා පෙන්නනෙ නැතිව ඉත හැකිණේ අපූරුවට... ඒත් මුන්දැලා මොකද කරන්නේ අපිටම පට්ට සිංහල කියලා භාෂාවක් තියෙද්දි Happy new year කියලා සුබ පතනවා.. අන්න එහෙම මිනිස්සු ඉන්නවා කියලා කාරිය මතක් උනයින් පස්සෙ තමයි මං තුමා අලුත් අවුරුදු ප්‍රාර්ථනයත් එක්කලා අවුරුද්දට සුබ පැතුවේ...



..
මේ ලැබ්වා වූ සිංහල අලුත් අවුරුද්දේදීවත් සිංහලෙන් නැතිව ඉන්ගිරීසියෙන් සුබ පතන තනි පියෙකුට ජාතක නොවූ මිනිසුන්ගෙන් තොර සුබම සුබ අලුත් අවුරුද්දක් වේවා......... :)


19 comments:

  1. සිංහල අකුරු නැති ෆෝන් වලින් සිංහලෙන් ලියන එක ඒ තරම් දෙයක් නෙවෙයිනේ , සුද්දගේ අකුරු වලින් අපේ භාෂාව ලියනවට වඩා නරකද සුද්දගේ භාෂාවෙන් හරි සුභ පැතුමක් එවන එක ! , මම නම් ජනවාරි පලවෙනිදට සුද්දගේ භාෂාවෙනුත් , මේකට අපේ භාෂාවෙනුත් තමයි සුභ පතන්නේ , ඒක ඉතින් පුද්ගලයා අනුව වෙනස් වෙන දෙයක්

    ReplyDelete
    Replies
    1. හැක් හැක්.. මංනම් කොයි අවුරුද්දත් අවුරුද්දනෙ කියලා කොකෙදිත් සිංහලෙන්ම තමයි... සුද්දගෙ අවුරුද්දෙදිනම් ඕන් සිංහලෙන් එව්වත් ඉන්ගිරිසියෙන් එව්වත් එසේමවෙවා කියලා හිත හදාගත හැකි.. එත් ඉතිං කරන්න දෙයක් නැති කමට සිංග්‍රිසියෙන් හරි එවත හැකිනේ...

      Delete
  2. මමනම් ජනවාරි 1දාට "සුබ නව වසරක් වේවා" යනුවෙනුත්
    සිංහල අලුත් අවුරුද්දට "සුබ අලුත් අවුරුද්දක් වේවා" යනුවෙනුත් තමයි සුබ පතන්නෙ
    ඔය දෙකේ අරුත් දෙකක් තියෙනවා, එහෙමනම්

    සුබ අලුත් අවුරුද්දක් වේවා...!!

    ReplyDelete
    Replies
    1. හැක් හැක්.. එසේමවේවා... :)

      Delete
  3. ඊ...අම්මෝ මං කාටවට් හොඩ වෙලාවට හැපි නිව්ය කිව්වෙනෑ....ඇටි යාන්ටන්...:/

    ReplyDelete
  4. අලුත් අවුරුද්දෙ මෙහෙම කිවුවට තරහ ගන්න කාරි නෑ ඕං...... මොන බාසාවෙන් කිවුවත් හිතට ආපු අදහසනෙ කිවුවෙ.... ඇයි ඕකට බාසා ජාති බේදයක්... අපි ඔක්කොම ඉන්දුනිම්න ශ්ෂ්ඨාචාරයෙන් ආපු මිනිස්සුනෙ...ඇයි අපි ඉතිහාසෙ අපිට ඕන තැනින් විතරක් පටන් ගන්නෙ...හරියට බැලුවොත් ඔය අපේ කියන අලුතවුරුද්ද්ත් ඉන්දියාවෙන් ආපු දෙයක්නෙ...... අද අපේ කියන ඔක්කොම දේවල් (ආගමේ සිට) අශෝක රජ්ජුරුවන්ට පිංඉසිද්ද වෙන්න ලැබිච්චනෙ....විජේරජ්ජුරුවන් එනකොට කුවේනි කපු කටිමින් හිටියට (දැන් අපි ඔක්කොම වහගෙන සුද්ද හෙලුවෙන් කිවුවට).... අපේ ගෑනුන්ගෙ විලි වැහෙන්න අඳුම් ඇන්දුවෙ සුද්ද්ගෙ වික්ටෝරියානු සංස්කෘතියෙනෙ......

    X-Porter

    ReplyDelete
    Replies
    1. හොද උදාහරනයක්... මං කියපු ජාතියෙ කට්ටියට...

      Delete
    2. අටේ මේ වලත්ත පෝටරය මරු ඒව කියනවනෙ ඈ... පට්ට ලයික්... :)

      Delete
  5. ඔය අදහසට මගේ එච්චර කැමැත්තක් නම් නෑ..
    බාසාව මොකක් උනත් අදහස වැදගත් කියලයි මට නම් හිතෙන්නෙ‍‍..

    ReplyDelete
    Replies
    1. හැක් හැක්... භාසාව මොකක් උනාම අදහසේ වැදගත් කම යනවා නෙව...

      Delete
  6. ජීවිතයක මිනිස් වටිනාකම දැනෙන
    මොහඳුර මැකී සත්‍යය හරි හැටි පෙනෙන
    විසංවාදයට නිරතුරු ඉඩ ලැබෙන
    වසරක් උදාවේවා සැනසුම පිරුණ

    ReplyDelete
    Replies
    1. එසේම වෙවා කියලා බැතිබර සිතින් පුරාර්තනා කොරනවා ඔන්...

      Delete
  7. සුභම සුභ වේවා !

    ReplyDelete
  8. Happy New Year!!!!!

    my uni-codes are not working...

    ReplyDelete
  9. මේ ලෑබුවා වු නව වසර, සාමයෙන් සතුටෙන්, පිරි හුටපට, ලටපට,,ජල්තර, මරාල වලින් තොර සෞභාග්‍යමත් සුබ නව වසරක් වේවා !!!!!!!!!!!!!!!!

    ReplyDelete
  10. ඇත්තම කිව්වොත් මටත් එක්කො අමු සිංහලෙන් නමුත් සිංහල අකුරෙන්, නැත්නම් පැහැදිලි ඉංග්‍රීසියෙන් යමක් කියවනවා මිස, ඉංග්‍රීසි අකුරෙන් (ලැටින්) ලිව්ව සිංහල මෙසේජ් කියවන එක අප්පිරියාම වැඩක්.

    henryblogwalker the Dude

    ReplyDelete

ප්‍රතිචාර වශයෙන් ඒන විවේචන විශේශයෙන් අගේ කරනවා. ඒහෙමෙයි කියල විවේචනම කරන්න එපා ඉතින්. ඔයාලට හිතෙන දේ දාල යන්නකෝ. [අහ් සිංහල කොටන්න නම් ඉතින් හිච්චි ඇඟිලාගේ සිංහල ටයිප් කොරන මෙවුව එක භාවිත කොරන්නත් දැන් පුලුවන් නොවැ]

@Anonymous මං ගොඩාක් කැමති විවේචන වලට. හැබැයි ඊටත් වඩා කැමති නාමිකව එන විවේචන වලට. තමන්ට මුල් නමක් හරි ආරුඬ නම්ක් හරි නැතත් තාත්ත කෙනෙක් ඉන්නවනම් අනිව එයාගෙ සර් නේම් එක හරි තියෙන්න එපැයි. :D :D :D අඩු ගානෙ ඒක හරි දාන්න.

Related Posts Plugin for WordPress, Blogger...